الجواز
اللاااااااااااااه
بيتك حلو اوى
صغير صحيح بس حلو
ماكنتش قادرة تستوعب ازاى الناس شايفين بيتها صغير
امال ليه هى الوحيدة اللى شايفاه بعينها انه احلى من احلى فيلا
كانت بتستغرب اوى لما حد يقولها رغم انه صغير بس دمه خفيف
احلى تعليق سمعته على بيتها
لما صاحب الشغل اللى جوزها بيشتغل فيه جه وزارهم
بعد كام شهر من الجواز كانت لسه حامل فى الشهر الاول
وجه قالها ممكن اسال سؤال هو البيت اتكلف اد ايه
قالتله عفش ولا توضيب ولا ايه
قالها كله على بعضه
فكرت ثانيتين علشان تحسب حسبتها وقالتله
توضيب بعفش باجهزة حوالى اربعين الف جنيه
قالها عارفة انا بدخل قصور وفلل
وممكن الاقى واحد حاطط فى بيته تمثال قيمته مثلا حوالى خمسين الف جنيه
ومع ذلك انا ماشفتش فى حياتى بيت منسق كدة ولا مريح زى بيتك
اتبسطت اوى من كلامه لانها عارفة انه مش بيكدب ولا بيجاملها
وفعلا بيتها كان دمه خفيف
كانت بتهتم اوى بالتفاصيل
متلاقيش حاجة مش فى مكانها
حاطة كل حاجة من تابلوهات على بيبلوهات فى مكانها الصح
بعد سنة ونص من الجواز تقريبا وبعد ما البامبينو شرف بالسلامة
كان ممكن جدا تلاقيها بقالها يومين مغسلتش وشها
مش علشان هى مش نضيفة لاسمح الله
لأ لانها تقريبا ماكنتش بتنام نص ساعة على بعض
فبتالى مكنتش هتلاقى اى اثار للنوم على ملامحها
اللى ممكن تلاقى هو اثار عدم النوم
من سواد تحت العيون ووش اصفر باهت
وعنين زايغة وعصبية زيادة عن الحد وروحها فى مناخيرها
وكنت تدخل بيتها تلاقى حصل تغيير جذرى
ماكنتش هتلاقى الانتريه اللى اتجوزت بيه
اللى كان عبارة عن كنبه كبيرة وكنبة صغيرة واتنين فوتيه كبير
وترابيزة وسط على شكل بومبيه ماكنتش موجودة فى مصركلها لانها كانت عملاها عمولة
ومحدش خالص كان عنده الترابيزة دي
المهم لو كنت دخلت بيتها بعد سنة ونص
ماكنتش هتلاقى الانتريه موجود
كنت هتلاقى بدل منه كنبه صغيرة بتتفتح سرير
واتنين كرسى
والترابيزة عادية جدا ومركونة جنب الحيطة
وفى ركن الاوضة كنت هتلاقى سرير صغير بتاع اطفال
تقدر تقول شوية الاوضة فقدت رونقها
بس هى كانت بتحاول بشتى الطرق انها تحافظ على شياكتها من وقت للتانى
بعد فترة تانية ماكنتش هتلاقى سرير الاطفال اللى موجود فى الركن
وكنت هتلاقى الكنبة اللى بتتفتح سرير مفتوحة سرير على طول
والترابيزة اللى مركونة جنب الحيطة هتلاقى عليها عربيات ومكعبات ودباديب والعاب اشكال والاوان
وجنب الترابيزة هتلاقى عجلة صغنونة
وجنب ترابيزة التليفون هتلاقى سكوتر مركون على جنب
وفى درج المكتبة الاول
شوية لعب مالهاش اى معنى زى مثلا دراع مضرب بيض مكسور
او شماعات صغيرة جدا بتاعة الشرابات
او ازازة شامبو فاضية او ازازة شاور جيل
مع اجندة قديمة متقطعة وفيها شخابيط المحروس
وممكن تلاقى فى الدرج الشريط اللى بيلفوا بيه علب الجاتوهات والحلويات الشرقية
وتلاقى فى اخر الشريط ده مربوط فيه عربية صغنونة
وهتلاقى فيه كارنيهات قديمة بتاعة النادى لان المحروس بيعملها اكنها كارت الفيزا
ويمسك واحد منها ويقول لمامته
مامى اجيبلك فلوس
تقوله هات فلوس
يروح جنب المكتبة ويحط الكارت فى الحيطة
قال يعنى بيدخله فى ماكنة الفيزا ويجى يمدلها ايده ويقولها اتفضلى فلوس اهى
او انه يعمل كارنيه النادى انه كارت الكامة ويبقى عايز يحطه فى الرسيفر
هى بقى بتعشق حاجة اسمها القرأة
كانت بتقرا فى المجالات الادبية اكتر حاجة
دلوقتى تلاقى فى مكتبتها
كتاب بعنوان
طفلك ما بعد السنتين
وكتاب تانى بعنوان
تربية الابناء على الطريقة الاسلامية
او كيف تكسبين طفلك المهارات الاساسية
او كتاب انا وطفلى والطبيب
ولو دخلت اوضة نومها هتلاقى حاجة جديدة مضافة لاوضة النوم
وهى تعتبر بحق تحفة ديكورية من الطراز الاول
وهى عبارة عن جهاز رياضى يسمى بالاوربتراك
عامل زى العجلة الثابتة كدة
وده طبعا لزوم تنقيص الوزن الزائد علشان تفضل حلوة فى عين سبع الرجال
وهتلاقى مفروش على السرير تحت الملاية قطعة مشمع كبيرة
للطوارئ لو المحروس مصحيش من النوم
وصحاها معاه وقلق نومها وقالها مامى عايز اعمل بي بي
وقرر انه يعملها وهو نايم
قبل المحروس ما يشرف كانت شوية فرفورة وبتقرف ومازالت بتقرف
بس بعد المحروس ماشرف
بقت بتحط قرفها ده تحت المخدة
خصوصا لما المحروس يرجع
وعليها انها تنضف ماطرح مارجع
يا اما هتغسل حتة السجاد الصغنونة اللى قدام باب الحمام
لو المحروس رجع عليها
يا اما هتغسل وتلمع السيراميك لو المحروس رجع على الارض
يا اما هتلف السجادة الكبيرة بعد ماتنضف اللى ينفع يتنضف
وتبعت حد من المغسلة يجوا ياخدوا السجادة ينضفوها هما
قبل المحروس ما يشرف كنت تلاقيها جامدة ومعندهاش حاجة تخاف عليها
بعد المحروس ما شرف بقت جبانة
بتخاف من نسمة هوا هتعدى ممكن تكون شايلة اى ميكروب يتعدى بيه ابنها
ماكنتش بتاخد بالها وهى ماشية فى الشارع من اى حد بيقول اى لفظ ابيح
دلوقتى حاسة ان الناس مستقصداها
وانهم كلهم قرروا انهم يستعملوا الالفاظ الابيحة لمجرد انهم يضايقوها هى وابنها
ماكنتش بتاخد بالها من اى حوادث ممكن تقرا عنها
دلوقتى مبقتش بتاخد بالها الا من حوادث اغتصاب الاطفال
وتقعد تعيط وتكتئب وتقول فى نفسها هو ماينفعش اعلم ابنى فى البيت هو لازم اوديه مدرسة
بقت مرعوبة اكتر من الحياة
وهى طول عمرها ماكنتش بتخاف من اى حاجة
لو شفتها زمان تقول التفاؤل اتخلق علشانها
دلوقتى تحس انها طمعت فى كل التشاؤم اللى فى الدنيا
زمان كانت دايما شايفة النص المليان فى الكوباية
دلوقتى بقت شايفة النص الفاضى علطول
ماكنش فيه فى حياتها نقطة ضعف وعلشان كدة كانت قوية
دلوقتى بقى فيه فى حياتها نقطة ضعف
وعلشان كدة بقت ضعيفة وجبانة وخيخة
زمان ماكنش فيه حاجة تخليها تروق بسرعة من اى زعل تزعله
دلوقتى حضن كبير من شكشوكة وهو بيقولها محدش ياخد منى مامى ابدا
يخليها تنسى الدنيا ومافيها
حضن من شكشوكة وهو نايم
ويقولها وهو بين الصحيان والنوم مامى انا بحبك اوى
يخليها تحب انها ام خيخة للواد الصغنن ده
حضن كبير من شكشوكة يخليها قوية جدا
ويخليها تعرف انها ضعيفة وهو بعيد عنها
لكن طول ماهو قدام عنيها بيضحك وبيلعب وصحته كويسة والحمد الله
هى اسعد واقوى واحلى واحن واطيب خيخة فى الدنيا
من الاخر كدة
بحبه مهما اشوف منه
ماقدرش ابعد يوم عنه
بحبك يا شريف اوى اوى اوى
اللاااااااااااااه
بيتك حلو اوى
صغير صحيح بس حلو
ماكنتش قادرة تستوعب ازاى الناس شايفين بيتها صغير
امال ليه هى الوحيدة اللى شايفاه بعينها انه احلى من احلى فيلا
كانت بتستغرب اوى لما حد يقولها رغم انه صغير بس دمه خفيف
احلى تعليق سمعته على بيتها
لما صاحب الشغل اللى جوزها بيشتغل فيه جه وزارهم
بعد كام شهر من الجواز كانت لسه حامل فى الشهر الاول
وجه قالها ممكن اسال سؤال هو البيت اتكلف اد ايه
قالتله عفش ولا توضيب ولا ايه
قالها كله على بعضه
فكرت ثانيتين علشان تحسب حسبتها وقالتله
توضيب بعفش باجهزة حوالى اربعين الف جنيه
قالها عارفة انا بدخل قصور وفلل
وممكن الاقى واحد حاطط فى بيته تمثال قيمته مثلا حوالى خمسين الف جنيه
ومع ذلك انا ماشفتش فى حياتى بيت منسق كدة ولا مريح زى بيتك
اتبسطت اوى من كلامه لانها عارفة انه مش بيكدب ولا بيجاملها
وفعلا بيتها كان دمه خفيف
كانت بتهتم اوى بالتفاصيل
متلاقيش حاجة مش فى مكانها
حاطة كل حاجة من تابلوهات على بيبلوهات فى مكانها الصح
بعد سنة ونص من الجواز تقريبا وبعد ما البامبينو شرف بالسلامة
كان ممكن جدا تلاقيها بقالها يومين مغسلتش وشها
مش علشان هى مش نضيفة لاسمح الله
لأ لانها تقريبا ماكنتش بتنام نص ساعة على بعض
فبتالى مكنتش هتلاقى اى اثار للنوم على ملامحها
اللى ممكن تلاقى هو اثار عدم النوم
من سواد تحت العيون ووش اصفر باهت
وعنين زايغة وعصبية زيادة عن الحد وروحها فى مناخيرها
وكنت تدخل بيتها تلاقى حصل تغيير جذرى
ماكنتش هتلاقى الانتريه اللى اتجوزت بيه
اللى كان عبارة عن كنبه كبيرة وكنبة صغيرة واتنين فوتيه كبير
وترابيزة وسط على شكل بومبيه ماكنتش موجودة فى مصركلها لانها كانت عملاها عمولة
ومحدش خالص كان عنده الترابيزة دي
المهم لو كنت دخلت بيتها بعد سنة ونص
ماكنتش هتلاقى الانتريه موجود
كنت هتلاقى بدل منه كنبه صغيرة بتتفتح سرير
واتنين كرسى
والترابيزة عادية جدا ومركونة جنب الحيطة
وفى ركن الاوضة كنت هتلاقى سرير صغير بتاع اطفال
تقدر تقول شوية الاوضة فقدت رونقها
بس هى كانت بتحاول بشتى الطرق انها تحافظ على شياكتها من وقت للتانى
بعد فترة تانية ماكنتش هتلاقى سرير الاطفال اللى موجود فى الركن
وكنت هتلاقى الكنبة اللى بتتفتح سرير مفتوحة سرير على طول
والترابيزة اللى مركونة جنب الحيطة هتلاقى عليها عربيات ومكعبات ودباديب والعاب اشكال والاوان
وجنب الترابيزة هتلاقى عجلة صغنونة
وجنب ترابيزة التليفون هتلاقى سكوتر مركون على جنب
وفى درج المكتبة الاول
شوية لعب مالهاش اى معنى زى مثلا دراع مضرب بيض مكسور
او شماعات صغيرة جدا بتاعة الشرابات
او ازازة شامبو فاضية او ازازة شاور جيل
مع اجندة قديمة متقطعة وفيها شخابيط المحروس
وممكن تلاقى فى الدرج الشريط اللى بيلفوا بيه علب الجاتوهات والحلويات الشرقية
وتلاقى فى اخر الشريط ده مربوط فيه عربية صغنونة
وهتلاقى فيه كارنيهات قديمة بتاعة النادى لان المحروس بيعملها اكنها كارت الفيزا
ويمسك واحد منها ويقول لمامته
مامى اجيبلك فلوس
تقوله هات فلوس
يروح جنب المكتبة ويحط الكارت فى الحيطة
قال يعنى بيدخله فى ماكنة الفيزا ويجى يمدلها ايده ويقولها اتفضلى فلوس اهى
او انه يعمل كارنيه النادى انه كارت الكامة ويبقى عايز يحطه فى الرسيفر
هى بقى بتعشق حاجة اسمها القرأة
كانت بتقرا فى المجالات الادبية اكتر حاجة
دلوقتى تلاقى فى مكتبتها
كتاب بعنوان
طفلك ما بعد السنتين
وكتاب تانى بعنوان
تربية الابناء على الطريقة الاسلامية
او كيف تكسبين طفلك المهارات الاساسية
او كتاب انا وطفلى والطبيب
ولو دخلت اوضة نومها هتلاقى حاجة جديدة مضافة لاوضة النوم
وهى تعتبر بحق تحفة ديكورية من الطراز الاول
وهى عبارة عن جهاز رياضى يسمى بالاوربتراك
عامل زى العجلة الثابتة كدة
وده طبعا لزوم تنقيص الوزن الزائد علشان تفضل حلوة فى عين سبع الرجال
وهتلاقى مفروش على السرير تحت الملاية قطعة مشمع كبيرة
للطوارئ لو المحروس مصحيش من النوم
وصحاها معاه وقلق نومها وقالها مامى عايز اعمل بي بي
وقرر انه يعملها وهو نايم
قبل المحروس ما يشرف كانت شوية فرفورة وبتقرف ومازالت بتقرف
بس بعد المحروس ماشرف
بقت بتحط قرفها ده تحت المخدة
خصوصا لما المحروس يرجع
وعليها انها تنضف ماطرح مارجع
يا اما هتغسل حتة السجاد الصغنونة اللى قدام باب الحمام
لو المحروس رجع عليها
يا اما هتغسل وتلمع السيراميك لو المحروس رجع على الارض
يا اما هتلف السجادة الكبيرة بعد ماتنضف اللى ينفع يتنضف
وتبعت حد من المغسلة يجوا ياخدوا السجادة ينضفوها هما
قبل المحروس ما يشرف كنت تلاقيها جامدة ومعندهاش حاجة تخاف عليها
بعد المحروس ما شرف بقت جبانة
بتخاف من نسمة هوا هتعدى ممكن تكون شايلة اى ميكروب يتعدى بيه ابنها
ماكنتش بتاخد بالها وهى ماشية فى الشارع من اى حد بيقول اى لفظ ابيح
دلوقتى حاسة ان الناس مستقصداها
وانهم كلهم قرروا انهم يستعملوا الالفاظ الابيحة لمجرد انهم يضايقوها هى وابنها
ماكنتش بتاخد بالها من اى حوادث ممكن تقرا عنها
دلوقتى مبقتش بتاخد بالها الا من حوادث اغتصاب الاطفال
وتقعد تعيط وتكتئب وتقول فى نفسها هو ماينفعش اعلم ابنى فى البيت هو لازم اوديه مدرسة
بقت مرعوبة اكتر من الحياة
وهى طول عمرها ماكنتش بتخاف من اى حاجة
لو شفتها زمان تقول التفاؤل اتخلق علشانها
دلوقتى تحس انها طمعت فى كل التشاؤم اللى فى الدنيا
زمان كانت دايما شايفة النص المليان فى الكوباية
دلوقتى بقت شايفة النص الفاضى علطول
ماكنش فيه فى حياتها نقطة ضعف وعلشان كدة كانت قوية
دلوقتى بقى فيه فى حياتها نقطة ضعف
وعلشان كدة بقت ضعيفة وجبانة وخيخة
زمان ماكنش فيه حاجة تخليها تروق بسرعة من اى زعل تزعله
دلوقتى حضن كبير من شكشوكة وهو بيقولها محدش ياخد منى مامى ابدا
يخليها تنسى الدنيا ومافيها
حضن من شكشوكة وهو نايم
ويقولها وهو بين الصحيان والنوم مامى انا بحبك اوى
يخليها تحب انها ام خيخة للواد الصغنن ده
حضن كبير من شكشوكة يخليها قوية جدا
ويخليها تعرف انها ضعيفة وهو بعيد عنها
لكن طول ماهو قدام عنيها بيضحك وبيلعب وصحته كويسة والحمد الله
هى اسعد واقوى واحلى واحن واطيب خيخة فى الدنيا
من الاخر كدة
بحبه مهما اشوف منه
ماقدرش ابعد يوم عنه
بحبك يا شريف اوى اوى اوى