قاعدين جنب بعض
وبينهم طبق كبير
مليان فشاربيتسابقوا
مين ياكل اكتر كمية
يملوا بقهم فشارويبصوا لبعض
ويضحكوا
الطبق خلص
يغسلوا ايديهم مع بعض
يرشوا على بعض مية
ويبصوا لبعض
ويضحكوا
يقعدوا فى حضن بعض
ويتفرجوا على التليفزيون
تتسحب هى براحة وتقوم ناحية التلاجة
وتفتح الفريزر وتاخد ايس كريم ستيك
تتلفت تلاقيه واقف وراهاوبيقولها وانا كمان عايز ايس كريم
تقوله ناكل مع بعض
يقولها ماشى
يحطوا بقهم هما الاتنين على الايس كريم
ارنبة مناخيرهم لازقة فى بعض
يبصوا لبعض ويضحكو
ايقطموا قطمة واحدة
تتكسر حتة شكولاتة من فوق الايس
يحاول انه يخطفها وياكلها لوحده
لكن هى اسرع
تاخد حتة الشكولاتة وتاكلها
يبصوا لبعض ويضحكوا
يخلص الايس كريم
يبوسوا بعض وهما بقهم ملحوس بالايس كريم
يغسلوا بقهم سوا
يقولها مش هتصلى
تقوله نصلى سوا
يقولها ماشى
يتوضوا سواو
يبصوا لبعض
ويضحكوايقفوا جنب بعض
تصلى هىويقلدها هو
يخلصوا صلاة
يحضنوا بعض
يقولها نلعب سوا
تقوله ماشى
يجيب مكعباته
يقولها اعملى انتى عربية
وانا هاعمل البيت والجامع
تقوله ماشى
يحضنها ويديها بوسة فى خدها
ويقولها انا بحبك اوى يا مامى علشان انتى صاحبتىتقوله وانا بحبك اوى يا شكشوكة علشان انت صاحبىونبص لبعض ونضحك
0 التعليقات:
إرسال تعليق