مغامرات حبيبي

قاعدة على سريرها فى اوضتهابتقرا رواية قصة حب مجوسية

جه من بره قعد جنبها من غير سلام ولا كلاموبدون اى مقدمات

قعد يحكلها عن مغامراته

ويشرحلها خططه المستقبلية

حطت كتابها على الكمودينوالتفتت ليه وقعدت تبصله اوىفى اهتمام مصطنع من جانبهاوسرحت فى كلامه وطريقة عرضه سرحت فى لون عيونه

سرحت فى تعبيرات وشه سرحت فى حركات ايده سرحت فى شفايفه ورسمتهم

عايزة بوسة

نطقت بطلبها

مش دلوقتىرد سريع وحاسم من جانبه

على طلبهااتكتمت وسرحت تانى

وعلى وشها اترسمت ابتسامة

واستمر هو فى حكاياته

ومحاولاته المتكررة انه يشرحلها وجهة نظرهاعتقاد دائم منه

انها مش هتفهمه بسرعة

وهى سرحت فى ملامحه وعنيها على شفايفه وهى بتتحرك بكلام مالهوش اى معنى لكن من وجهة نظرها اكيد

ده احلى كلام طب ادينى حضن

طلب تانى قالته بيأس

استنى لما اخلص كلامىرد اخر حاسم وقاطع من جانبه

واستمر فى حكاياته وخططه وشرحه بحماسة عجيبةوهى اتكبست تانى واتكتمت وسرحت

سرحت فى اول مرة شافته

كان من امتى ؟سألت نفسهامن اربع سنين وشهرين

اول مرة شافته كانت تعبانة كانت نايمة على سرير فى اوضة ملحقة بمستشفىوهو دخل عليها وهى بحالة لا يرثى لها

ياااااااااااااااااه

قالت فى عقل بالهاالايام بتمر بسرعة اوىها إيه رأيك ؟سؤال من جانبه

خلاها تفوق من سرحانهاقالتله ماشى كويس

ابتسم ابتسامة رضا عن انجازاته اللى لاقت قبول عندها

قام من جنبها رايح ناحية باب الاوضةندهتله

تعالى هناالتفت وبصلها بعيون متسألة
و سألهاإيه؟

قالتله

انا عايزة بوسة وحضن

بصلها وابتسم وهز راسه بحركة معناهاامرى لله انا عارف انها مش هتهمد

الا لما اديها البوسة والحضن

وقالها اه معلش نسيت

وطلع فوق السريرواداها بوسة وحضن

وهى بخيخنة معهودة فيهاراحت عضاه فى خدوده

هو اتقمص وزعل منهاوشد نفسه من حضنها وقاله

ايوووووه

كل شوية يا مامى تعضينى فى خدودىانا زعلان منك ومش هاخليكى تلعبى معايانزل من على السرير وراح يلعب لوحدهوهى ضحكت اوىومسكت كتابها تكمل قرايةولسان حالها بيقول

انا بعشق الواد ده